潮福蒸氣石鍋 (已結業)

同朋友慶祝生日~她選擇了來潮福食蒸海鮮！有得任飲半任食非常吸引！選擇左喜愛既海鮮同埋個粥底後就馬上起動跟餐仲包括左有燉湯！我選擇左老黄瓜湯燉唐排，一人一盅熱辣辣！飲湯最緊要夠熱先好飲！呢度夠哂熱超正又夠哂濃！真正老火湯架呢~夠哂健康又暖胃仲有份脆皮乳鴿~表層帶點香脆！入口感覺肉汁豐富超好味乳鴿整得好入味~識食一識食埋乳鴿頭~爽呀餐係跟埋貝殼盛盆，有青口，蕃薯蜆，胭脂蚌！店員一一為我地將海鮮上碟！服務夠哂貼心各種海鮮蒸既時間不一！所以店員都好幫手蘇格蘭蟶子皇~蒜粒生和熟配在一起！變成了天然既黄金汁，蒜沒有搶走蟶子既鮮反而更提升味道！蟶子口感爽實！味道一流北韓象拔蚌~已切成條狀方便進食！味道爽口彈牙~食出鮮甜味道龍蝦就係每人半隻！龍蝦肉好厚身~夠哂大隻！肉厚亦樕滑~柔嫩多汁又鮮甜！食完海鮮已經有7成飽肚感~我地仲叫左個蒸馬拉糕！入口軟淋熱辣辣~味道香甜細緻綿密好好食呀最後便是精華所在！成晚既海鮮精華都滴哂落呢盆南瓜排骨粥到！味道超鮮甜！排骨又夠哂淋南瓜又好粉樕成晚d野食真係無得頂