影片
更多
2025-07-06
1524 浏览
警世千祈唔好去‼️海鮮發臭唔新鮮‼️朋友介紹話呢間火鍋海鮮好食，5月屋企人生日就book位去試吓。book位前已經睇過呢弓間鋪頭facebook知道有當月生日優惠同長者優惠，打電話book位時再confirm一次，但聽電話既職員只係話睇返facebook公佈作準，咁都照訂4位。當日去到已經覺得小伏，間鋪係好細間啲枱都得好少，坐得都唔太舒服。坐低職員過嚟介紹叫揀湯底然後再sell要唔要加錢加美國桶蠔同象拔蚌同埋每位加$20可以有飲品任飲，最後我哋加咗每位$20任飲，去拎嘢飲時先發覺飲品種類得好少，而且有啲係唔知咩牌子嘅大陸枝裝鴨屎檸檬茶😥我哋冇like店舖facebook所以冇刺身送，開始打邊爐之前俾咗壺湯、雞煲同一份炸魚皮，湯同雞煲都係普通冇特別，炸魚皮唔脆勁硬又勁多大條骨開始打邊爐先上咗一份海鮮拼盤有蟹、龍蝦、帶子、鮑魚、蝦，另外送一份安格斯牛肉，送嘅海鮮拼盤入面既鮑魚同帶子係正常，但蟹、龍蝦同蝦啲肉都係霉既完全唔新鮮。食完送嘅海鮮有個餐牌係用白枝筆寫俾你落單用，寫完叫職員嚟落單先話每次落單只可以點九樣嘢，但入座時介紹又唔講埋😅？落單再叫咗鮑魚、蟶子、大蜆同安格斯牛肉等，第二次上嘅鮑魚係
朋友介紹話呢間火鍋海鮮好食，5月屋企人生日就book位去試吓。book位前已經睇過呢弓間鋪頭facebook知道有當月生日優惠同長者優惠，打電話book位時再confirm一次，但聽電話既職員只係話睇返facebook公佈作準，咁都照訂4位。
當日去到已經覺得小伏，間鋪係好細間啲枱都得好少，坐得都唔太舒服。坐低職員過嚟介紹叫揀湯底然後再sell要唔要加錢加美國桶蠔同象拔蚌同埋每位加$20可以有飲品任飲，最後我哋加咗每位$20任飲，去拎嘢飲時先發覺飲品種類得好少，而且有啲係唔知咩牌子嘅大陸枝裝鴨屎檸檬茶😥
我哋冇like店舖facebook所以冇刺身送，開始打邊爐之前俾咗壺湯、雞煲同一份炸魚皮，湯同雞煲都係普通冇特別，炸魚皮唔脆勁硬又勁多大條骨
開始打邊爐先上咗一份海鮮拼盤有蟹、龍蝦、帶子、鮑魚、蝦，另外送一份安格斯牛肉，送嘅海鮮拼盤入面既鮑魚同帶子係正常，但蟹、龍蝦同蝦啲肉都係霉既完全唔新鮮。食完送嘅海鮮有個餐牌係用白枝筆寫俾你落單用，寫完叫職員嚟落單先話每次落單只可以點九樣嘢，但入座時介紹又唔講埋😅？
落單再叫咗鮑魚、蟶子、大蜆同安格斯牛肉等，第二次上嘅鮑魚係臭既！淥完唔使放入口已經聞到一陣臭味，諗住得兩隻係咁又再叫多份點知都係臭既！啲蟶子全部勁多沙都唔知有冇洗過，食落去每啖都係有沙，啲「大蜆」唔知係咪品種名黎，黎到原來係得腳指甲咁大隻，任食嘅安格斯牛同送嗰碟差天共地，好似佳寶肥牛咁嘅樣，仲要每次只會計人頭數俾幾片你，你要食多啲就要落多幾次，但每次落完單就會收走你個餐牌要特登叫職員先再俾返你，極度麻煩🙃!!
落咗兩轉嘢食已經差到唔想再食，由其淥過啲臭鮑魚同勁多沙既海鮮真係好擔心會肚痛，其實仲係好肚餓但都照叫埋單，職員話有西瓜同哈密瓜送叫我哋食埋先，點知等咗兩三個字都未上再問職員就話師傅切緊象拔蚌未得閒切生果，生果唔係一早切定雪起嘅咩😂？
到正式有張單俾我哋，我同職員講我哋有一個人係五月生日，職員窒咗一下話「下次要埋單前講，唔係就冇優惠」，我真係想問我訂座時又唔講，入座時又唔講，我係咪要通靈先知幾時要講要用生日優惠🙃⁉️
最後埋單4位減咗生日優惠都要$16xx，以海鮮火鍋做主打但完全係貼錢買難受級數，全晚食到最新鮮只有啲萵筍，完全食唔鮑返屋企仲要煮麵食。而且食食下間鋪頭又會有人拎住部機出嚟拍攝完全冇問顧客想唔想被拍。
屋企人去廁所話個廁所得一格又極窄轉身都難，去完起身仲係廁格內撞到，本來想開開心心食生日飯變成中大伏❌
睇返其他食評一睇就知邊啲係打手，我哋自費去嘅完全冇精美擺盤冇九宮格木盤放食物，千祈唔好幫襯呢間火鍋除非想中伏!!!
张贴
