影片
更多
2025-08-05
0 浏览
內地好hit嘅即撈海鮮火鍋放題而家香港都有啦！火鍋材料應有盡有，除咗海鮮池入面有各款生猛海鮮俾你任撈，其他肉類、丸類、蔬菜類都款式繁多，仲有熟食、甜品、水果，一個價錢就可以2小時任食，絕對係抵食之選。入到餐廳即刻俾佢六七個大魚缸吸引咗，入面擺滿各款生猛海鮮，有花蟹、大頭蝦、鮑魚、大蜆、沙白等等。每枱都有一個鐵桶，俾你自己親手任撈，想要邊隻就捉邊隻。店員仲會無限補貨，確保水池入面有滿滿嘅海鮮。撈完就會有專人幫你清洗乾淨，拎住號碼牌等一等就搞掂，食得更安心。我最鍾意係食佢嘅大頭蝦，肉質爽口得嚟蝦頭入面嘅蝦膏好香濃，鮑魚口感Q彈一口一隻。除咗主打嘅海鮮，其他火鍋配料真係花多眼亂，澳洲M5和牛、響螺片、生蠔、田雞、超長蟹柳等，熟食方面就有乳鴿、鵝肝多士、銀鱈魚、串燒等。特別驚喜係飲品嘅種類都係超多，除咗各款汽水茶飲之外，啤酒、清酒、珍珠奶茶、甘蔗汁、椰清水都有得任飲。甜品更加係琳瑯滿目，馬卡龍、布甸、蛋糕、雪糕、雪條，你講得出嘅都有。
入到餐廳即刻俾佢六七個大魚缸吸引咗，入面擺滿各款生猛海鮮，有花蟹、大頭蝦、鮑魚、大蜆、沙白等等。每枱都有一個鐵桶，俾你自己親手任撈，想要邊隻就捉邊隻。店員仲會無限補貨，確保水池入面有滿滿嘅海鮮。撈完就會有專人幫你清洗乾淨，拎住號碼牌等一等就搞掂，食得更安心。我最鍾意係食佢嘅大頭蝦，肉質爽口得嚟蝦頭入面嘅蝦膏好香濃，鮑魚口感Q彈一口一隻。
除咗主打嘅海鮮，其他火鍋配料真係花多眼亂，澳洲M5和牛、響螺片、生蠔、田雞、超長蟹柳等，熟食方面就有乳鴿、鵝肝多士、銀鱈魚、串燒等。特別驚喜係飲品嘅種類都係超多，除咗各款汽水茶飲之外，啤酒、清酒、珍珠奶茶、甘蔗汁、椰清水都有得任飲。甜品更加係琳瑯滿目，馬卡龍、布甸、蛋糕、雪糕、雪條，你講得出嘅都有。
张贴
