丼丼屋 (健威坊) (已結業)

丼丼屋最出名的當然是食滑蛋豬扒和十勝豚肉啦。不過今次我選擇食特大海鮮丼。特大海鮮丼，份量就多一點，材料都多一點。蝦刺身非常大，蝦肉好新鮮香甜，入口完全聞到鮮蝦既味道，又夠爽口。帶子清甜好味道，肉身夠挺，三文魚都新鮮，睇落都幾肥美，而吞拿魚好有鮮味，顏色一流。整體都幾好味道。照燒雞肉沙律，炸得時間配合得宜，雞肉有汁流出來的，炸得香脆可口，外層的炸麵粉包圍著雞肉，加上沙律汁，真係超好味道。