九重鮮 (已結業)

口痕想食海鮮、烤肉，見到九重鮮新推出外賣套餐，有齊新鮮海鮮、燒肉串燒，洗乾淨哂，仲要切埋串好曬，極方便兩人份量岩哂情侶留係屋企撐枱腳!呢個外賣海鮮串燒套餐包羅萬有，除左重頭戲海鮮同串燒之外，仲有咖哩飯、甜品同送一支酒，好重本!一路食海鮮同串燒，再飲返杯葡萄紅餐酒，勁夾~小食有韓式泡菜，醃得入味，香辣又開胃。海鮮款款新鮮，尤其推薦紮紮跳勁新鮮海蝦，肉質爽滑彈牙，鮮味十足!海蜆大大隻好肥美唔會有沙~鮮蠔係特選優質本地生蠔，肥美肉滑，口感爽脆帶甜味。串燒有成16款，各有2件，真係勁豐富!推介金菇芝士肥牛卷，肥牛細膩柔滑，包住鮮嫩金菇同軟滑芝士，提升口感層次。京蔥牛肉串，牛味濃郁，京蔥爽甜。肉類串燒醃得入味，氣炸後外脆內嫩，正。滋味咖哩牛肉飯大大盒，份量十足，入口濃稠香滑，微辣帶點甜，拌飯一流。最後食埋個清香椰子甜品，真係超滿足!