入座第一件事要叫湯底，之後就可以拎枱面個桶自己揀/撈海鮮，再交俾店員清洗，等十分鐘再返去拎返，途中你可以去挾熟食或蔬菜兼拎嘢飲！餐廳自助撈海鮮區實測過係不停補貨，無限量任撈任煮！
第二件事建議大家先食鮑魚及蝦，當日蝦都有三種，大頭蝦竹節蝦基圍蝦，可以食得快又回本！之後先再夾蜆肉、螺、及蟹！
1
啲蟹勁多膏，店員都洗得好乾淨，幫你斬埋件，方便你食！
另外都係建議要嗌一個湯底，千祈唔好嗌鴛鴦鍋，一個湯底就唔會因為中間隔層嘥咗煲個位，先夠位可以裝晒一桶海鮮。
餐廳有濕紙巾同紙巾提供，非常貼心！
啲蝦全部都好大隻，蟹都非常鮮甜！
仲有集團必嗌嘅乳鴿牛舌等等，非常有品質保證。
食三個鐘可以慢慢品嘗嘅話其實兩個鐘食哂想食嘅嘢，剩返一個鐘慢慢食甜品，因為甜品有烤榴槤、hagandarz 雪糕我及其他雪條、仲有大量自製甜品、app都有得叫燉木瓜🥰 烤榴槤好好食！
