熊築地 (已結業)

立食既壽司係香港越黎越多，有時行過見到都會忍唔住想食返個手卷，今次都唔例外。今次試左個海膽帶子手卷，其實每次睇到有海膽都會二話不說地揀海膽，因為海膽個種又鮮又甜嘅口感真係好難忘，近排愛上咗手卷，覺得一個手卷入面有飯又有刺身，真係可以好貪心地食曬兩種，今日哩個海膽未算太鮮甜，但係帶子肉都算係夠黏性同埋新鮮，飯米都算係粒粒分明有嚼勁，海苔尚算香脆。我相信會再有下次既，因為地點方便，價錢亦都算係合理既，推介！