海悠

蒜蓉粉絲蒸龍蝦，見到d員工處理緊一隻隻新鮮龍蝦，就即刻order！龍蝦肉新鮮、鮮甜，蒜蓉粉絲吸咗蒜蓉同龍蝦嘅鮮味！

黑松露海鮮炒蛋，D蛋滑溜得嚟，仲有鋪左大量黑松露。個陣香味，配埋蝦仁同蟹柳真係好有層次感。啖啖都大滿足！

呢個唔可以唔提，海膽海皇炒飯應該係皇牌黎，比我地叫左最後一個！海膽嘅鮮味同海鮮嘅鮮甜完美結合，炒飯粒粒分明，唔油膩，食落去好舒服。每一口都有海鮮嘅鮮味，真係好正！

不過個地方就有啲難搵😅😅