Casa Pennington (已結業)

又係晚飯時間，由於喺銅鑼灣返工，好多野都食過，所以今晚叫朋友諗食咩。朋友過嚟銅鑼灣接收工，佢帶咗我去一間食西餐的餐廳，上到去已經見到好多人，好彩朋友有訂位。坐低咗，侍應就放低餐牌同倒咗兩杯水俾我哋。我同朋友睇咗5分鐘餐牌，都有少少迷惘。結果我哋主動問咗侍應有咩介紹，最終都揀到食咩。有少少建議，等客人坐低咗，侍應應該簡單介紹今晚有咩推介，我同朋友都係第一次嚟食，有介紹會容易d選擇。Beef Carpaccio $158生牛肉片沙律，主要由火箭菜、洋蔥粒、橄欖油同主角生牛肉片組成。生牛肉片口感好淋，唔會有腥嘅感覺，火箭菜就好新鮮好爽口。Sea Urchin Linguini $238見到OpenRice 都多人揀呢款，而朋友又好鍾意食海膽，所以今晚就叫咗佢。意大利粉夠彈牙，海膽味道都幾好，唔會有唔新鮮的感覺。意粉底部有蟹肉，撈埋一齊食好滿足。意粉個汁係用海膽汁煮，都幾入味，可以一試。整體感覺都滿意，食物質素新鮮，服務態度親切。