影片
更多
2018-12-13
299 浏览
行經葵芳食咗間好好食嘅日式Fusion餐廳，超級多人等，我哋早到都等左幾個字，但真係好食，抵佢咁多人等。自家製明太子玉子燒$68啲蛋超級嫩，除咗好有蛋味仲有啲牛奶味，明太子有少少辣，唔太鹹，多到咇晒出黎，啲蛋就淡味啲，明太子就濃味啲，夾埋一齊啱啱中和返。松葉蟹海膽天婦羅$128個炸皮好薄，再用紫菜包住d松葉蟹同海膽，海膽經過加熟之外個甘味再提升，口感更滑順，加上松葉蟹一絲一絲嘅口感，好配合好好食。三文魚牛油果壽司漢堡$68成間餐廳我覺得最抵食係呢個，個份量一啲都唔細，壽司飯用咗醬油去燒成飯焦，脆卜卜但係又有少少煙韌，三文魚食落似煙三文魚加咗沙律醬，本身已經好有味道，另外再有牛油果，令個口感更加豐富。香蔥鮪魚蓉海膽飯$198食蔥吞拿魚腩蓉飯最驚就係得嗰薄薄一層，呢度啲吞拿魚茸多到睇唔到底下嘅飯，海膽好新鮮，有海水嘅味道，又唔腥，甘甘甜甜。瞬間煙熏三文魚他他$68呢個好適合拍片打卡呃like，一上枱嗰陣用咗塊濕紙巾去琴住個口，一拎走左塊濕紙巾，就有好多煙湧出嚟，傳來好大浸嘅煙熏味道，成個情景都好夢幻，個感覺好高級。三文魚嘅底部加咗啲醋去調味，酸酸甜甜，唔習慣煙熏味加啲醋可以中和返，食落冇咁
自家製明太子玉子燒$68
啲蛋超級嫩，除咗好有蛋味仲有啲牛奶味，明太子有少少辣，唔太鹹，多到咇晒出黎，啲蛋就淡味啲，明太子就濃味啲，夾埋一齊啱啱中和返。
松葉蟹海膽天婦羅$128
個炸皮好薄，再用紫菜包住d松葉蟹同海膽，海膽經過加熟之外個甘味再提升，口感更滑順，加上松葉蟹一絲一絲嘅口感，好配合好好食。
三文魚牛油果壽司漢堡$68
成間餐廳我覺得最抵食係呢個，個份量一啲都唔細，壽司飯用咗醬油去燒成飯焦，脆卜卜但係又有少少煙韌，三文魚食落似煙三文魚加咗沙律醬，本身已經好有味道，另外再有牛油果，令個口感更加豐富。
香蔥鮪魚蓉海膽飯$198
食蔥吞拿魚腩蓉飯最驚就係得嗰薄薄一層，呢度啲吞拿魚茸多到睇唔到底下嘅飯，海膽好新鮮，有海水嘅味道，又唔腥，甘甘甜甜。
瞬間煙熏三文魚他他$68
呢個好適合拍片打卡呃like，一上枱嗰陣用咗塊濕紙巾去琴住個口，一拎走左塊濕紙巾，就有好多煙湧出嚟，傳來好大浸嘅煙熏味道，成個情景都好夢幻，個感覺好高級。三文魚嘅底部加咗啲醋去調味，酸酸甜甜，唔習慣煙熏味加啲醋可以中和返，食落冇咁濃烈。
张贴
