翠華餐廳 (已結業)

今日放假到咗海濱長廊行咗一陣，原來附近有間翠華仲要可以望住個海景食豐富嘅午餐叫咗兩個lunch set，一個要咗沙律一個要左餐湯。餐飲要咗碟豆花檸檬茶及忌廉咖啡👍碟豆花檸檬茶味道比較特別有一種獨特嘅碟豆花味道，忌廉咖啡真係好香濃好好味😋去翠華必飲👍韓式溫泉蛋豚肉飯有韓式拌飯嘅伴菜芽菜，紅蘿蔔，菠菜再加埋泡菜同埋靚靚嘅溫泉蛋再加大量嘅辣豬肉再加埋醬汁自己撈埋一齊特別好食😋韓式牛肉炒粉絲雖然係炒粉絲但係唔會好油，味道調得啱啱好唔會好濃味，再加埋大量肥牛同椰菜真係好好食😋😋追加左個韓式芝士炸雞炸雞既粉皮唔厚，咬落去啖啖肉😋可以做到拉斯嘅效果應該係幾種芝士加埋一齊。最後跟餐仲有慕絲布甸甜品呢個好香濃忌廉味😋好食，如果份量大啲就好啦🤣🤣