影片
更多
2021-05-19
697 浏览
週末週日的觀塘海濱長廊，經常有唔同團體擺設攤位，以親子活動形式推廣不同類型的運動項目，從而鼓勵更多兒童從小參與。至於附近的偉業街，多年前是九龍灣及觀塘核心工廠區。隨着香港工業在80年代尾開始慢慢式微，近年不少鄰近地鐵站的工廠大廈由於人流暢旺，差不多全部轉型為寫字樓或樓上舖；至於偉業街一帶的工廠大廈，雖然位置較偏遠，卻享有海景，所以通常會選擇拆卸重建成為甲級或乙級寫字樓。今個復活節假期的星期六，就去了觀塘海濱長廊親子樂，開餐地點就揀了附近一棟新近落成寫字樓的商場餐廳。估唔到雖然係復活節假期的星期六，商場內的餐廳也有幾間堅持開舖營業。整個商場不見任何人流，包括服務處；就算是仍有開門的餐廳，也只是小貓三四隻，部份甚至一個客人都沒有。揀了一間最開揚、最多人幫襯嘅「Break」。餐廳長長窄窄，既不合適、實際上也不能夠建一幅實體牆與商場走廊完全分隔。除了廚房之外，索性採用全開放式設計，客人坐得舒服、空間感又夠開揚。餐廳一端除了僻作水吧沖調飲品及咖啡之外，同時又做外賣咖啡生意。類似小咖啡店的「Break」，餐牌款式選擇唔多，只有幾款輕食及全日早午餐。要食得飽，就要揀每日轉款的是日定食 / 是日意大利
估唔到雖然係復活節假期的星期六，商場內的餐廳也有幾間堅持開舖營業。整個商場不見任何人流，包括服務處；就算是仍有開門的餐廳，也只是小貓三四隻，部份甚至一個客人都沒有。揀了一間最開揚、最多人幫襯嘅「Break」。
餐廳長長窄窄，既不合適、實際上也不能夠建一幅實體牆與商場走廊完全分隔。除了廚房之外，索性採用全開放式設計，客人坐得舒服、空間感又夠開揚。餐廳一端除了僻作水吧沖調飲品及咖啡之外，同時又做外賣咖啡生意。
類似小咖啡店的「Break」，餐牌款式選擇唔多，只有幾款輕食及全日早午餐。要食得飽，就要揀每日轉款的是日定食 / 是日意大利麵 / 每日限定。餐牌將 spaghetti 的正確翻譯為意大利麵，而非意大利粉；看似簡單，但係香港有很多餐廳唔知乜嘢原因，總是翻譯錯誤，明明 spaghetti 係用小麥製作，點解會翻譯成「粉」（用米漿製作）？
每日限定48C慢煮三文魚牛油果醬丼（$148）好吸引，有三文魚及牛油果，既健康又喜歡食，同一時間可以食曬兩種食物，真係一石二鳥！三文魚放滿整個表面、加上三文魚籽，顏色搶眼。牛油果磨成醬狀放在紫菜絲下，不太顯眼。
48C慢煮三文魚牛油果醬丼
$148
10 浏览
0 赞好
0 留言
慢煮的烹調方式令三文魚肉受熱平均，入口即溶，與清新的牛油果非常配合。三文魚份量多，感覺比飯還要多，這個午餐又豐足又健康！
是日定食豚肉生薑燒丼（$108）充滿日式口味。珍珠米飯墊底，飯面鋪滿芽菜、椰菜絲、洋蔥絲，上面再放上厚切豚肉片、蔥花及薑蓉。豚肉已用薑汁味醂醃過，再加上蔥花及薑蓉，一齊放入口味道很好；只是肉質有點硬亦有點韌，要扣分。米飯係典型日式丼的處理辦法，加入了帶甜醬汁，每一啖飯連同芽菜及椰菜絲一齊食，好味。
豚肉生薑燒丼
$108
1 浏览
0 赞好
0 留言
唐揚炸雞(3件)（$42）拼芝麻雞翼(3件)（$38）一齊上碟。炸雞賣相很差，實在太大塊了，正常大小每件應該係兩啖左右。外觀有點似美式炸雞、又有點似日式炸雞，兩頭唔到岸。一啖咬落去更加唔掂，並非又薄又脆的炸漿，而是有點似一嚿嚿的炸粉；雞肉又醃得唔夠好味，幸好熱辣辣又有肉汁，否則一無是處。
唐揚炸雞(3件)
$42
0 浏览
0 赞好
0 留言
芝麻雞翼(3件)
$38
4 浏览
0 赞好
0 留言
caffe latte (L)
$38
0 浏览
0 赞好
0 留言
「Break」雖然細細間，但員工服務細心，身為客人也能感受到他們的那份衝勁。最欣賞咖啡的拉花，即使係熟練咖啡師也需要心機及時間才能成功構成這種複雜圖案，顯示出餐廳員工的熱誠。廚房出品質素就有啲唔穩定，有改善空間。不過，整體來講仍然值得俾個笑臉去鼓勵一下。
张贴
