泰COOL (翩匯坊) (已結業)

將軍澳站相連的商場食肆不少，但大多已經光顧過。今日沿海濱長堤一直走，在海翩滙地下看到這家泰菜餐廳，晚市好多客人，有幾枱更帶上愛犬。餐廳分室內和戶外坐位，如果是秋天，我會選擇坐戶外，可外望海景和夜色。海鮮菠蘿炒飯除了置頂的大蝦外，炒飯中也有不少蝦仁、魷魚、菠蘿、腰果、洋蔥和肉鬆。蝦和魷魚稍欠鮮味，質感偏腍，炒飯中規中矩。馬拉盞通菜頗有鑊氣，通菜嫩身，馬拉盞惹味討好。大size的串燒拼盤有齊豬、牛、雞三款串燒，另伴有豬頸肉。個人覺得炭燒豬頸肉爽口肉脆，蘸一些辣汁同吃更美味。青咖哩雞肉青咖喱汁味道不錯，佐飯一流；美中不足的是雞肉未夠入味。