La Pizza Express (已結業)

今日要去牛頭角交收，難得出開嚟，順便去海濱花園行下。沿途見到有間新開薄餅外賣店「La Pizza Express」，走近一看，店舖主打意式拿坡里薄餅，另外亦有三文治、特色餡餅、沙律及小食等供應。餐廳門外設有檯櫈供客人進食，反正午餐還沒有著落，就一於坐下來獨個兒慢慢嘆。香草雜菌薄餅 ($48)  薄餅即叫即製，拿上手時仍熱辣辣，面頭鋪滿了芝士、雜菌及車厘茄等，賣相美觀。餅底富麵粉香，邊位非常香脆，內裡煙韌，配上濃香嘅芝士，簡單得來味道豐富。芝士薯條 ($48)  薯條新鮮即炸，大大盒，面頭淋滿了芝士醬汁，分量十足。金黃色勁吸引，食落超香口，粗身得嚟又有質感，入面仲有好多薯仔肉，好好食啊！水牛城炸雞鎚 ($58)  雞鎚隻隻都又大又脹卜卜，而且每件都炸得好脆口，咬落唔會太乾，火候啱啱好，肉質仍然 juicy，不覺肥膩，蘸點醬汁吃，微辣惹味。