緻 (已結業)

將軍澳呢個美食沙漠愈來愈多野食。今日就去試下呢間留意左好一陣子嘅日式餐廳。成日見到佢啲串燒相都好吸引。🤩食串燒最鐘意配sake。叫左支天之戶。入口微甜好清新唔會好辛口。好岩女仔飲。😊串燒特選盛合。有9款串燒有齊雞牛豬。雞翼去左骨好細心。雞胸肉連埋雞胸軟骨增加口感。牛舌心同豬拖羅都好爽口。唔同串燒用左唔同醬汁去配搭。睇得出餐廳喺呢方面落左唔少心機。❤️油甘魚鮫肉質好嫩好juicy。🤤簡單用鹽燒都已經好夠味。味噌茄子用上甜味噌好惹味。茄子肉厚軟綿綿。最後連皮都清埋。😋炸物拼盤。有魷魚圈/廣島蠔/蟹肉忌廉餅/唐揚炸雞/炸雞軟骨。一上枱見到好大堆頭。份量應該4個人share都冇問題。炸物熱辣辣好香口。送酒又係一流。😝餐廳環境唔算好大。不過枱與枱之間有充足空間同間隔。私隱度幾好同朋友傾計都好放心。😘另外值得一讚員工服務好好。會主動介紹食物。最後又會問下意見。👍餐廳門口有兩張outdoor枱。望住個海濱小酌一杯一流。😌