戀上台式料理 (已結業)

今日，住將軍澳既朋友帶左我去將軍澳海濱旁既一間台式餐廳食晚飯，呢間餐廳喺正海旁，有室外同室外既位置，環境又好，好有feel。呢度係可以scan QR code用手機點餐，好方便！我地點左鮮茄紅燒牛肉麵 。呢個係傳統台式既紅燒牛肉麵，牛肉好軟腍，入口即化，陽春麵再加上鮮甜既番茄湯底，正啊！仲有呢個香酥排骨魯肉飯都好正，排骨份量好多，仲有三樣配菜，好豐富！我地仲叫左芋圓仙草豆腐花。呢個甜品好豐富啊，入面有芋圓、地瓜圓、仙草、豆腐花、紅豆同珍珠，食落去層次豐富！當然唔少得台式飲料。