海南少爺 (已結業)

和好友去海港城行街， 行到攰搵地方食嘢。喺地下嗰層找到「海南少爺」，主打新加坡菜。 天氣悶熱食啲好味濃味嘢就最啱不過～！餐廳樓底好高，其中一邊窗外望海景， 感覺開揚。 但對出就係入碼頭的馬路， 那天有貨車泊咗喺窗旁，即時大煞風景。 最後等佢洗走影咗 無遮擋景觀～提供多款午市套餐， 有加一和茶芥， 這個地段景觀就預咗 ～這壺茶味道唔錯， 有少少桂圓味道。海南雞飯併馬來西亞肉骨茶午餐$120最啱心意兩款經典食物都想吃～肉骨茶湯底藥材味濃郁， 本身亦夠鹹， 肉骨有兩三件亦非常入味， 還有黨參，冬菇，豆卜 ～海南雞肉質嫩滑無骨， 三款醬汁薑蓉最美味。雞油飯乾身軟熟，渗滿雞湯香味。👍😋朋友揀咗「椰香海鮮喇沙午餐$98」。湯底加重椰香味特別有東南亞feel, 亦帶點香辣， 朋友吃得好滋味， 幾隻海蝦都新鮮彈牙 ！特飲羅漢果龍眼（ 跟餐 ＋$10）健康特飲，羅漢果舒服潤喉， 但就唔見有龍眼肉。