藍象泰國餐廳 (已結業)

喺香港食泰國菜通常都係去九龍城架啦，但想食得架勢啲，又有海景做background嘅，今日M佬就帶我去咗尖沙咀海港城食泰國菜！望住個無敵海景，咁有情調，真係好有feel。小食拼盤拼盤有4串串燒、蝦餅、炸物同花生糖配菠蘿。我同M佬最鍾意就係外皮鬆脆而蝦肉㜛囗彈牙嘅炸蝦餅，好好味呀！而串燒點上秘製醬汁，就更加惹味，yummy！青咖哩雞藍象嘅名菜就係青咖哩雞，雞肉嫩滑，再索晒青咖哩嘅醬汁，少少辣但又出奇地香，記住叫埋蒜蓉包配搭，脆身嘅蒜蓉包遇上青咖哩，真係好match。燒大蝦炒金邊粉大蝦真係好大隻，成隻手咁大隻，又多膏又彈牙！金邊粉炒得夠火喉又惹味，加上花生碎、辣椒碎同糖，好好味呀。