⭐️北京、成都店更獲米芝蓮指南入選餐廳⭐️
絕對係正宗湘菜味道，鍾意食辣嘅人一定要嚟試吓！
佢哋餐廳招牌第一道菜就係「剁椒大魚頭」🔥
辣度、鮮味層次分明，用咗5種辣椒調味，越食越過癮！
🍽️ 鴻運當頭 2人餐
🥢 餐前小吃
脆餅令人憶起童年炸物小食，係用心炮製嘅鹹香小點，幫你打開味蕾。
🍉 餐前水果
青提清甜解膩，準備好迎接後面嘅刺激菜式。
🍧 啫喱荔枝小番茄
荔枝啫喱透明晶瑩配上清甜嘅小番茄，口感滑溜又帶果香酸甜，好開胃清新。
🍖 鮮土豬排炖洞庭湖藕湯
用湖南本地土豬排炖，肉質厚實味濃，燉到軟腍入味，配埋洞庭湖出產嘅藕，藕片爽脆又帶甜，湯底清甜鮮味滿盈，飲落暖胃又補身。
🐟 湘上湘鴻運當頭 剁椒大魚頭
大魚頭係選用湖南當地大蓮魚，先運至深圳自家水塘養殖，香港店收到客人訂餐後，餐廳先會落訂單，由內地運至香港店，確保食材品質源於傳統並保持新鮮。
大魚頭切得大塊，魚肉厚而嫩滑，配上剁椒醬汁，帶有香辣嘅辣椒味同微微發酵嘅酸味，辣得夠開胃但唔會刺激過火，底味唔單止有層次，仲有陣陣魚嘅鮮香，辣得過癮！
🦆 北京宴酥皮烤鸭
烤鴨席前料理令人懷念，師傅喺客人面前盡顯刀工。
鴨皮烤得焦黃，咬落酥脆鬆化，鴨肉嫩滑多汁，油脂豐盈。配薄餅片、甜麵醬、葱絲和黃瓜條，卷起食，口感豐富層次分明，經典味道一試難忘。
🥗 經典桃江萵筍絲
萵筍絲切得幼細，爽脆新鮮，帶天然清甜味道，調味簡單加咗少少鹹豬肉，令整道菜惹味，又不失解膩作用。
