花圖 (已結業)

臨近聖誕去完海港城 Chanel shopping拎左好多dining coupon🫶🫶今次個list多左唔少新餐廳可以用coupon消費，之前去對面食飯時見到呢間個裝修都幾靚，就揀左黎試試。我地揀左幾道多人點嘅菜， 每款味道都唔錯，其中我最鍾意爵士湯！我一向鍾意飲燉湯，呢款加入蝦膏、木瓜、螺片同花膠，味道濃郁而且唔漏。另一樣我好鍾意嘅係最唔起眼嘅濃湯瑤柱花膠浸菜苗，湯頭清甜，加入大量花膠條同瑤柱。食晒d菜都仲有好多花膠剩，非常足料，百零蚊一大兜真係幾抵。脆和牛同醬鵝點黎打卡唔錯，味道正常，其中醬鵝點嘅蜜瓜醬食起有青瓜蓉嘅感覺，酸酸地幾清新，充份解膩。龍蝦膏海膽炒飯上枱時已經好香，炒飯粒粒分明，加左蟹籽增加口感，又有濃濃龍蝦膏香味同龍蝦肉，加埋海膽令味道更有層次。整體食物質素唔錯，而且餐牌上選擇都幾多，現場有一個好大嘅酒吧，因此酒類及調酒特飲選擇上亦比好多中餐廳多及廣泛。現場多數係couple或者一大班人食飯，座位尚算闊落，價錢喺海港城裡算中高價，同同類餐廳比較不論服務同食物都具水準。