餐廳嘅裝修類似喺新加坡嘅高級餐廳，環境幾優雅，一坐低，職員就放低壺玫瑰花茶，味道幾清香。餐廳有二人餐，其實幾抵，不過見唔太餓就散叫算
試咗新加坡古法黑豉油雞飯，雞嘅份量都多，肉質嫩滑，而雞嘅三款醬汁都正宗。油飯香而不油，唔錯！至於個雞湯就幾清甜，幾好飲
仲試咗馬來西亞肉骨茶，揀咗排骨同豬腩肉，份量都ok，配料仲有油炸鬼、豆卜、響鈴、炸魚皮、炸支竹，湯底幾重藥材味，夠哂補身！雖然我冇揀無限任添，但一煲都好夠兩個人飲
最後試埋星洲醬油參巴炒蘿蔔糕，蘿蔔糕煎到外皮幾脆幾香口，而入面仲係軟軟地，加上配埋參巴醬同芽菜一齊炒特別有鑊氣同惹味
整體黎講呢間星馬菜樣樣都唔錯，可以一試！
