sips;;lban

营业中

休息中

今日去咗海港城一間極具人氣嘅韓式Cafe，收藏咗呢間餐廳好耐，一直好想食佢哋嘅疏乎厘同刨冰。知道週末好爆滿，所以決定平日過嚟，點知平日都係同樣爆滿😆。我試咗「漢堡扒全日早餐」。呢個早餐份量十足，搭配咗一塊多汁嘅漢堡扒，配菜仲有煎蛋，三文魚，牛油果，蘑菇，多士，營養搭配真係滿足到早上嘅所有需求！味道上，漢堡扒外焦內嫩，配上濃厚嘅醬汁，簡直係完美❤️。跟住我仲點咗「酥炸軟殼蟹意粉」。呢道菜色彩繽紛，意粉煮得剛剛好，配上香脆嘅軟殼蟹，口感真係非常豐富！蟹肉鮮甜，搭配意粉嘅醬汁，味道層次分明。最後，我試咗兩款蜜瓜系列嘅甜品。「蜜瓜在初夏升溫時」係一個清新嘅選擇，裡面有新鮮蜜瓜同啫喱，口感清爽，夏天食落去特別舒服。而「蜜瓜在沙冰降溫時」就係一個蜜瓜味嘅cream沙冰，滑溜溜嘅口感，加上蜜瓜香氣，完美組合。