海南少爺 (已結業)

喺海港城行行吓街突然好想食東南亞菜, 所以嚟咗呢度買外賣返屋企食～餐廳裝修好靚, 帶復古典雅嘅感覺, 環境寬敞舒適, 採用落地玻璃, 坐最入面嘅座位可以望住維港景色, 無敵大海景呢！下次要堂食先！𓌈˒˒ 招牌海南雞飯 拼 馬來西亞肉骨茶 推介👍🏻！餐廳用咗百日三黃雞, 雞件以雞飯醬、雞湯等等低溫慢煮。雞件上面有炸蒜, 肉質好嫩滑, 油飯食落有油香, 粒粒分明, 唔會太油膩, 配埋特製豉油真係好正～ 肉骨茶味道甘甜, 有淡啖藥材香味, 濃郁甘香, 燥而不膩, 好啱我哋嘅口味～ 好飲！𓌈˒˒ 炒貴刁炒貴刁有油麵同河粉, 用料豐富又足料！有蝦、豆腐乾、魚蛋、臘腸等等, 再加埋黑醬油、馬拉盞及參巴醬一齊爆炒, 好有鑊氣！麵條有彈牙嘅口感, 非常入味, 食落仲有臘腸嘅鹹香, 好惹味😋！𓌈˒˒ 沙嗲拼盤 (雞肉 + 豬肉串燒)串燒用自家調味醃製12小時, 烤至外熟內嫩, 充滿肉香, 肉質唔乾身。花生沙嗲醬有粒粒花生, 串燒配沙嗲醬, 唔錯！𓌈˒˒ 星洲蠔餅 蠔餅煎至金黃微脆, 幾香口, 蛋味香濃, 加埋蠔粒, 十分滋味。蠔仔肉汁鮮甜, 沾上魚露, 更加惹味！