影片
更多
2020-12-06
83 浏览
小巴去白沙灣落車，附近冇咩餐廳，但就有個大海景同碼頭，食Omasake呢間餐廳啱啱就開喺海嘅隔離，一路行過黎感受涼風同埋海水味，非常舒服，我諗都係少數日本餐廳可以開喺咁大個海景隔離。而且呢度人流唔多，可以靜靜地食餐飯，餐廳入面嘅格局乾淨企理，配上自然採光，有私隱度頗高嘅房間，適合朋友或者私人聚會。精選午市廚師發板套餐 ($780)呢度全部既水都係用白神山水，無論去烹調抑或係飲用，喺呢個位就睇得出呢間餐廳喺細節位都好用心~🔺沙律都係d大路野，粟米、小番茄、沙律菜，配上柚子醋汁，酸酸哋幾開胃。🔺前菜三點（炸白飯魚紫菜、銀杏、水雲長芋）話說食呢個前菜有個次序➡️銀杏➡️炸白飯魚➡️水雲長芋。銀行微微烤過，帶有少少甘味。炸白飯魚好香口好脆，個水雲長芋係用碗盛起，浸係湯汁之中，但就有少少偏酸。🔺刺身兩點（深海池魚、大拖羅）四四方方好大舊，呢度有我最鍾意食嘅大拖羅。佢嘅色澤係非常靚既粉嫩色，紋理都好清晰。油脂喺口中爆發，真係好幸福！池魚都新鮮嘅，不過我都係比較鍾意食拖羅。重點係佢哋獨有嘅豉油。佢哋嘅壽司豉油係透明的，唔係一般黑黑個種，味道比一般坊間既更淡，因為唔想豉油嘅濃味搶走魚嘅鮮味。所以微微嘅鹹味配
精選午市廚師發板套餐 ($780)
呢度全部既水都係用白神山水，無論去烹調抑或係飲用，喺呢個位就睇得出呢間餐廳喺細節位都好用心~
🔺沙律
都係d大路野，粟米、小番茄、沙律菜，配上柚子醋汁，酸酸哋幾開胃。
🔺前菜三點（炸白飯魚紫菜、銀杏、水雲長芋）
話說食呢個前菜有個次序➡️銀杏➡️炸白飯魚➡️水雲長芋。銀行微微烤過，帶有少少甘味。炸白飯魚好香口好脆，個水雲長芋係用碗盛起，浸係湯汁之中，但就有少少偏酸。
🔺刺身兩點（深海池魚、大拖羅）
四四方方好大舊，呢度有我最鍾意食嘅大拖羅。佢嘅色澤係非常靚既粉嫩色，紋理都好清晰。油脂喺口中爆發，真係好幸福！池魚都新鮮嘅，不過我都係比較鍾意食拖羅。重點係佢哋獨有嘅豉油。佢哋嘅壽司豉油係透明的，唔係一般黑黑個種，味道比一般坊間既更淡，因為唔想豉油嘅濃味搶走魚嘅鮮味。所以微微嘅鹹味配上新鮮嘅魚係最能夠食得出魚嘅鮮味，去食刺身都唔驚點太多豉油遮住咗魚嘅鮮味，真係好用心！
除咗刺身呢就仲有隻小炸蟹，非常脆身好似食天婦羅咁而且咬落去有蟹嘅鮮味。碟嘅中間就有照燒汁，外圍有一層豆蓉，一層濃味一層淡味。師傅話可以將旁邊嘅配菜點呢幾種醬食，唔錯。最後有粒新鮮山桃作為刺身嘅結尾。
🔺燒物（燒油甘魚配柚子汁）
呢條魚絕對可以令你飽肚，因為佢嘅魚油真係好豐富！每一下搣開啲肉都會見到啲油閃下閃下，就咁食已經好好食而且佢個皮係燒到好薄身好脆，柚子汁偏濃，酸酸甜甜嘅感覺好出，我個人非常鐘意，正好可以中和魚油嘅膩。最後真係開始feel到有啲飽，已經叫師傅下個round要少飯 🤫
🔺壽司六貫（帶子、真鯛、鯖魚、左口魚、拖羅、海膽）
首先係帶子，師父拍一拍個帶子令到佢更加爽彈，粒帶子好大粒，食落去嘅口感係順滑、新鮮嘅。
真鯛都係比較淡嘅壽司，之後黎到鯖魚，款款都係魚既比例多過飯好多，材料都係比足既。師傅有微微烤過鯖魚嘅外皮，上面再加咗啲日本蔥花。鯖魚嗰陣酸味好突出，酸酸地正好帶出魚的鮮味。
不得不說，輕微炙燒左口魚真係超好食‼️雖然平時唔係好鍾意食炙燒類嘅壽司，例如炙燒三文魚。但呢個炙燒左口魚嘅油份啱啱好因為炙燒而逼到出嚟，而且本身呢隻魚肉係偏向有彈性，所以食落去有爽脆、滑嫩既口感。 topping有柚子蓉，重柚子清香。
師傅話熟成五日拖羅如果係更加耐去做熟成嘅話會更加好食，熟成嘅意思係用醬油做醃漬，所以比一般嘅拖羅會更加濃味、油份更香。
海膽壽司係用白海膽，紫菜非常脆身，啲海膽都好鮮甜。
🔺湯（豬肉牛蒡湯）
食完生冷嘢之後再飲返個熱嘅湯特別好飲😍係喺依家冬天嘅時候飲就暖笠笠啦~
🔺甜品（豆腐奶凍配十勝紅豆、蕨餅）
蕨餅配上黃豆粉煙煙韌韌，又唔會太甜唔會太淡，甜度岩岩好。豆腐香頗突出，但個人覺得如果轉成豆腐雪糕可能會更香，因為配合埋奶嘅味道~
憑住呢度既食物質素再加上海景，我就覺得呢間大家可以放心bookmark，因為真係好食，好重要所以講多幾次🤩
张贴
