酒鍋 (V Point) (已結業)

三個颱風已過，天氣回覆三十幾度，同事竟然有興趣食火鍋午餐，話有老闆請，一於跟大隊唔執輸。酒鍋有酒吧及主力火鍋，可能就是取名的原因，簡單直接，中午可見到海景，幅畫幾靚。老闆叫我哋先點先食，我咃真係唔客氣，先食個刺身拼盤，簡直是白領麗人至愛，有三文魚、海膽、帶子及甜蝦，新鮮超甜，入口即化。然後一人一杯竹庶芧根水，入口冰涼，味道又甜，即時解暑。同事話食夏日菠蘿瘦身鍋，但見來到四個鍋都唔多見菠蘿，大家無理會，材料一齊馬上開始。四個不同湯頭，麻辣最香惹，喇沙配海鮮馬來風味，想清清地可食蘿蔔牛腩，材料用坑腩係靚貨，仲有番茄豬骨，豬骨味香，湯底好。我們點的配料都是基本，安格斯牛肉最有型，掛起可見肥肉紋理，涼伴鴨血專位麻辣而設，咪走雞超可愛，南瓜做啲，紫菜嚮鈴有紫菜寧捨好食，洋蔥豬肉蛋餃配搭好，最後以蔬菜拼盤作完結。材料新鮮，湯頭美味足料，埋單唔駛二千，開心午餐，多謝老闆！