蟹仙華舫

营业中

休息中

今日夜晚同媽咪去咗鯉魚門食海鮮，喺鯉魚門食海鮮一向都好出名。因為有近海嘅優勢，船家攞到海鮮後可以即刻供應俾餐廳，保證新鮮。今次我哋到碼頭附近嘅蟹仙華舫食晚餐，食物豐富高質之餘，環境都好正！到餐廳已經見到有好大個窗，見到嘅係一大片海景。餐廳仲有一個位可以打開門出去，好似一個小小嘅陽台咁，出到去見到嘅係一覽無遺嘅海景！建議大家晏晝六七點過嚟，可以睇到日落，好靚㗎。今次除咗睇到鯉魚門呢邊嘅景色，仲睇到對面海啲高樓大廈。餐廳啱啱新開咗3個月，所以啲座位都好新，而且好闊坐得好舒服。