RIVA 灣 Bar & Grill

营业中

休息中

餐廳明亮環境舒適，仲有180度無敵大海景望住個維港，無論情侶約會定朋友聚餐都啱晒。呢次我哋試咗佢哋嘅套餐，整體感覺幾滿意，性價比都唔錯。頭盤嚟講，南瓜湯入口香滑，南瓜味都幾濃郁，唔會過甜。沙律菜葉夠新鮮，配搭嘅醬汁酸酸甜甜，開胃之餘又唔會太搶味。香烤美國殼飼牛側腹，肉質嫩滑，油脂分佈得宜，配埋廚師秘製調味汁，鹹香中帶少少甜，幾出色嘅一道菜。黑松露雜菌意大利燴飯，黑松露香氣十足，飯粒煮得啱啱好，唔會過腍。甜品檸檬法式撻好清新，酸酸甜甜，食完唔會覺得膩。飲品方面，Pineapple Lemonade同Fruit Punch味道平衡得唔錯，而且非常打卡able。