影片
更多
2022-09-03
1925 浏览
等咗一年，終於到自己餐生日飯喇！屋企人訂咗極上千島櫻，翻查網上食評，真係嚇咗一跳（劣食？）。但因為今次人多，大家想坐得舒服啲、又想有靚景影相、又就到大家方便…… 都係膽粗粗試吓。希望店主有睇過之前啲食評，有改善過啦！放題分三個價格，我哋揀咗中間價位嘅「精選島」。生日有優惠，包括生日嘅壽星免費（生日日期必須响7日內），8人以上送香檳（其實係無酒精氣酒），送生日蛋糕（8cm 左右）。訂位時已註明要海景位。店內好大，靠窗位置好多，坐位之間嘅空間好大，行嚟行去都唔會撞到其他食客。除咗用QR code 落單外，店內都分咗幾區，沙律區、熱食區、飲品區、甜品區。沙律區有新鮮蔬菜、水果、日式中華沙律、八爪魚、螺肉。個人對沙律一向麻麻地，所以冇食過。但睇見啲蔬果都好新鮮。熱食區有中式靚湯（今日係蟲草花雞湯）、椰汁牛奶燕窩、葡撻、炸薯條。老火湯味道濃郁，食完生冷嘢，飲啖熱湯，成個人舒服晒。燕窩好足料，有好多「燕窩」，而且唔甜。飲品區有汽水、果汁、熱茶、日本清酒、梅酒。鍾意飲酒嘅朋友就唔好錯過喇！甜品區大福餅、蛋糕、啫喱、泡芙、雪糕、雪條。呢度啲甜品都唔會好甜，非常好！以上種類豐富，個人推介熱湯、燕窩、葡撻
放題分三個價格，我哋揀咗中間價位嘅「精選島」。生日有優惠，包括生日嘅壽星免費（生日日期必須响7日內），8人以上送香檳（其實係無酒精氣酒），送生日蛋糕（8cm 左右）。訂位時已註明要海景位。
店內好大，靠窗位置好多，坐位之間嘅空間好大，行嚟行去都唔會撞到其他食客。
除咗用QR code 落單外，店內都分咗幾區，沙律區、熱食區、飲品區、甜品區。
沙律區有新鮮蔬菜、水果、日式中華沙律、八爪魚、螺肉。個人對沙律一向麻麻地，所以冇食過。但睇見啲蔬果都好新鮮。
熱食區有中式靚湯（今日係蟲草花雞湯）、椰汁牛奶燕窩、葡撻、炸薯條。老火湯味道濃郁，食完生冷嘢，飲啖熱湯，成個人舒服晒。燕窩好足料，有好多「燕窩」，而且唔甜。
飲品區有汽水、果汁、熱茶、日本清酒、梅酒。鍾意飲酒嘅朋友就唔好錯過喇！
甜品區大福餅、蛋糕、啫喱、泡芙、雪糕、雪條。呢度啲甜品都唔會好甜，非常好！
以上種類豐富，個人推介熱湯、燕窩、葡撻、清酒。
出面啲食物質素唔錯，用QR code 落單又點呢？
刺身刺身等咗一陣就到，三文魚、赤貝、甜蝦、虎蝦、帶子都好新鮮，同一般放題差唔多。吞拿魚就冇少少未解凍，但都okay 嘅。
壽司/手卷種類好多，個人推介吞拿魚蓉軍艦、海膽手卷、稻荷壽司、花之戀、三文魚壽司。其他壽司都好新鮮，軍艦壽司/手卷啲紫菜都好脆，証明係即叫即做。全部都係水準表現。
燒物羊架、鐵板牛柳粒、燒牛舌、芝士焗扇貝都唔錯，全部點咗兩轉。
炸物強烈推介炸雞翼，香脆肉嫰，比坊間炸雞店更好食，簡直係全場最佳。天婦羅系列就一般般，粉漿厚咗少少，而且好快唔脆。其他吉列炸蠔、芝士波都係一般急凍貨，但炸嘅火候控制得好，所以脆卜卜。
煮物清酒煮蜆，冇乜味 。碗仔翅唔推介。湯烏冬俾小朋友食，烏冬係急凍烏冬，口感彈牙，見佢食得好開心，應該唔錯。
店員服務勤快，收碟、上菜都好快手。點菜都好快上枱，當然間中亦有漏單，但都係可以接受。唔知係咪店主見到之前嘅食評有所改善，今次真係冇見佢有咩伏位。屋企人响靚景下食放題，都好開心滿意。
张贴
