翅客美食 (已結業)

今日去左佐敦做野，夜晚6點後無堂食又懶得煮飯，決定買外賣返屋企慢慢食~今次試左間新開既小店，就係位於佐敦上海街既翅客美食。主打雞飯、牛筋腩飯等等，仲有車仔麵、街頭美食等，都幾多選擇，價錢相宜。最後買左個海南雞飯同碗仔翅。海南雞飯雞肉軟腍香滑有彈性，鮮香油飯呈淡黃色，粒粒分明帶油光，配以醒胃醬汁，更為惹味。伴碟海蜇爽脆可口，附送雞腳湯胡椒味強烈，有辣勁。碗仔翅招牌菜式之一，有齊雞絲、蝦、木耳絲等，夠哂豐富好足料，食落有層次，濃稠度剛好，大大碗份量十足。