可可豬海南雞專門店 (寶榮大廈) (已結業)

今日放工去咗北角嘅可可豬海南雞專門店買外賣。連個名都叫海南雞專門店，就試吓佢個特色椰香海南雞飯啦。餐廳仲會供應其他小食，最近出外食飯食得多，我覺得需要多啲蔬菜，所以叫咗個養生秋葵。有好多人唔鍾意秋葵嗰種質地，但我非常之鍾意，點秋葵嘅醬汁用嚟送飯亦都非常好味。呢一間海南雞專門店其實前身係椰粉湯紅，專門提供多款食療養生湯，跟餐加$18就可以有一杯食療那杯湯。是日杯湯係粉葛赤小豆芡實煲豬展湯，有清濕熱同埋降血壓嘅功效，啱晒我。