才哥蝦麵 (已結業)

今次係第二次黎食，上次黎食過蝦麵覺得好好味。12點幾黎到竟然無咩人，記得上次黎係坐滿哂。睇一睇個menu，同之前比已經加左價，有啲選項例如手撕雞飯喺中午亦都見唔到有。記得上次黎見到隔離檯食海南雞飯覺得頗吸引，今次唔洗諗都已經決定食。野飲要另外加錢，淨係有包冬瓜湯。之前見到人食係有包埋時菜，不過依家就無，淨係得碟雞嗰度有兩條菜心。個餐黎到賣相都唔錯，雞同飯嘅飯量都幾多下。雞嘅皮肉分明，而且啲肉都好嫩滑，配埋啲醬油好好味，可以同佢講走雞胸。油飯同平時食嗰啲都有啲唔同，佢嘅飯比較硬身，粒粒分明，香茅味重，都幾香。不過可能平時食開嘅飯係淋少少，所以有啲唔慣。整體黎講，雖然加左價但係佢分量都幾多而且味道都幾好，覺得無論係蝦麵定海南雞飯都值得試下。