佳美去骨海南雞 (已結業)

深水埗無論大街定小巷都有好多嘢食🤩🤩今日比我發現咗一間好店— 佳美海南雞！食物好有質素，配菜亦都10分有誠意。我就叫咗海南雞腿飯，食落真係好驚喜呀！雞皮同肉之間夾住一層薄薄嘅啫喱,完全係入口即溶，油脂分布得好平均！平時唔食雞皮嘅我都忍唔住食晒，好有罪惡感添🤪🤪佢嘅雞湯香香辣辣， 有好香胡椒味。另外，我哋仲叫咗豬扒沙律！超好食呀， 每塊豬扒都好香脆，但又唔會過分油膩。配埋下面清新嘅沙律簡直係天衣無縫，沙律有少少辣， 又酸酸地，十分開胃！