加東 (已結業)

又係冇特定進食目標嘅晚上，嚟到朗豪坊，唔想花時間排隊，Food Court 就係不二之選。我對喇沙都有點情義結，見到有新開店都會試試。點餐姐姐態度一般，無笑容的，點完餐返埋位等好了。賣相同餐牌有點出入，湯太多浸到去配菜嘅頭頂。湯頭睇嚟幾濃，先飲一啖，好香椰奶味，微辣味道易入口，再飲多幾啖，感受到湯底清甜，相信有落足料煲，值得一讚終於飲下飲下見到D配料，份量充足，有6，7小件雞，4件豆卜，半隻蛋同少量芽菜，雞係嫩滑，帶少少鹹味，但其中2，3件係雞皮為主，肉嘅份量偏少。麵底係米線，同湯底夾到，夾起嚟佔到湯味同碎碎香料，其他配料正常。總結係哩個價錢嚟講可以一試，不過如果麵底可以多一，兩款選擇會更好，畢竟唔係人人喜歡米線。