虎爺海南雞 (已結業)

環境5分：外賣店地舖細細間，有個飲品雪櫃同收銀部，有隻老虎達摩同招財貓做裝飾，簡單企理可以畀滿分。衛生5分：所有食物即叫即做即包，包裝穩陣又乾淨，一樣畀滿分。服務5分： 收銀爽手唔囉唆，態度好好，電子消費種類多，服務都可以畀滿分。味道4分：招牌無骨海南雞飯份量都幾大，Ｄ雞同飯分開格，油飯薑味唔會太重又唔會好油，D海南雞皮光肉滑，三個汁都好味。跟餐碗花生雞腳湯味道好濃好入味。抵食3分：$45個午餐大大盒飯有無骨雞又有靚湯，灣仔正常價。