影片
更多
2019-12-15
318 浏览
平時都會嚟呢間度食海南雞飯，但今晚入到黎就想試吓新野，就叫左呢個「福建蝦湯伊面」。睇個名，就好正常以為係用蝦湯作底既伊面(至少我係咁諗)，見佢仲有個手指公表示推薦，就毫不猶豫咁叫咗呢一款，轉左個烏冬底。誰不知。。。一黎到！個湯係清呀！我以為我自己get錯啲咩啦，再睇一睇個餐牌，寫住「福建蝦湯伊面」，唔通係我get錯，應該係「福建蝦/湯伊面」咁樣埋解先啱，但我再睇一睇個英文「Fujian Noodles in Shrimp Soup」，顧名思義即係蝦湯咁解啦，諗左陣，決定叫個經理過嚟問清楚。我就問佢：「呢個面本身都係清湯嚟㗎？」佢就答我：「係呀。」我問：「咁點解您個餐牌又寫住係蝦湯伊面呢？」個經理答我：「唔係咁睇㗎，係福建蝦，加湯伊面啊！」d個答案我接受呀，因為我都有咁諗到。我再問：「咁我英文又寫住係呀shrimp soup？」佢竟然答我：「唔係呀，係福建蝦黎炸，我地無蝦湯架，唔係咁睇架！無架無架！」竟然佢都講到咁，我又面皮薄，我真係唔想再討論落去。食食下個面，諗住咬一咬舊「豬軟骨」，點知！根本就係一條豬肋骨黎既！明明個餐牌寫住係「豬軟骨」，真係我文盲但係唔識分「豬軟骨」呢？呢樣野我都冇
睇個名，就好正常以為係用蝦湯作底既伊面(至少我係咁諗)，見佢仲有個手指公表示推薦，就毫不猶豫咁叫咗呢一款，轉左個烏冬底。
誰不知。。。一黎到！個湯係清呀！我以為我自己get錯啲咩啦，再睇一睇個餐牌，寫住「福建蝦湯伊面」，唔通係我get錯，應該係「福建蝦/湯伊面」咁樣埋解先啱，但我再睇一睇個英文「Fujian Noodles in Shrimp Soup」，顧名思義即係蝦湯咁解啦，諗左陣，決定叫個經理過嚟問清楚。
我就問佢：「呢個面本身都係清湯嚟㗎？」佢就答我：「係呀。」我問：「咁點解您個餐牌又寫住係蝦湯伊面呢？」個經理答我：「唔係咁睇㗎，係福建蝦，加湯伊面啊！」d個答案我接受呀，因為我都有咁諗到。我再問：「咁我英文又寫住係呀shrimp soup？」佢竟然答我：「唔係呀，係福建蝦黎炸，我地無蝦湯架，唔係咁睇架！無架無架！」
竟然佢都講到咁，我又面皮薄，我真係唔想再討論落去。
食食下個面，諗住咬一咬舊「豬軟骨」，點知！根本就係一條豬肋骨黎既！明明個餐牌寫住係「豬軟骨」，真係我文盲但係唔識分「豬軟骨」呢？呢樣野我都冇再鼓起勇氣去舉手問個經理啦。
其實既然個經理又解釋唔到，就不如改一改個餐牌啦，唔好再誤導消費者啦。
福建蝦湯伊面(轉烏冬)
$75
32 浏览
0 赞好
0 留言
张贴
