海南少爺 (已結業)

呢間位於海港城嘅星馬菜都幾經濟，有得望住海景同埋都算坐得幾舒服🥰 有啲套餐$100有找，連嘢飲同埋份量都足夠。海南雞飯拼馬來西亞肉骨茶（$120）雞肉肉質嫩滑，配上三款美味醬汁，無法抵擋😍 肉骨茶超重藥材味，好足料，送飯一流👍 炒貴刁（$88）一碟非常有鑊氣嘅炒麵， 有河粉同埋油麵(? 一齊炒，口感豐富。蝦都幾大隻，仲有臘腸、雞蛋等配料，非常推介大家試吓😎 仲有加配咗兩串沙嗲豬肉串燒（$28） ，沙嗲醬好惹味，最緊要嘅係佢食落唔辣，啱曬我呢啲唔係太食得辣嘅人XD 總括而言， 如果想食星馬菜而有坐得比較舒服，不妨一試。 ☺️*另收10%服務費同$8茶錢