鼎家喜筷 (已結業)

問開朋友海之戀有咩好食，佢就向我推介左鼎家喜筷，因為呢度既食物款式都幾多元化！起初黎到既時候見到有燒味部，以為只係得燒味食，點知望下餐牌原來仲有唔同類型既小食、點心、台式飲品，仲有甜品添呀！我地叫左個炸魷魚鬚、原條燒腩仔飯同半隻燒鵝！魷魚鬚即叫即整，熱辣辣，炸粉唔會好厚，都幾惹味！原條燒腩仔飯，腩仔肥瘦岩岩好！個皮脆卜卜！好耐冇食過咁正既燒腩仔！店員向我地推介佢地既柑橘燒鵝，於是我地就叫左半隻試試！原來仲會送埋紅酒🍷個燒鵝啖啖肉，食落去仲有層果香！的確冇介紹錯！飲品既選擇都幾多，我地叫左鐵觀音芝土奶蓋同凍荔枝蘆薈綠茶，個茶底的確幾香！質素幾高！最後叫埋脆香蜜糖吐司配北海道 5.0牛奶雪糕做甜品！吐司外脆內軟，甜蜜蜜真係幾正！