紅葉茶屋 (海之戀商場)

营业中

休息中

平時啲朋友都會約我嚟海之戀商場行街，之前就見到呢間紅葉茶屋，佢哋賣嘅日本菜好惹味，而家見到佢哋做緊優惠，雙人套餐望落去好抵，就決定晚餐嚟呢度試嚇前菜已經係好好食，有小拼盤同沙律，沙律入面有龍蝦，鮮味十足，沙律食落去有甘香，跟住啲菜都好新鮮，小拼盤入面有刺身炸蝦，食落去好開胃，啲料好新鮮主食我係要咗卡邦尼烏冬，跟住朋友要咗豬扒配蠔。每一道主食都好有特色，卡邦尼烏冬味道好濃郁，跟住烏冬面嘅咬勁好夠，再加埋溫泉蛋提味，正呀！跟住豬扒好大份，炸得都好脆口，香氣十足，賣相好好。甜品我哋就叫咗蕨餅同芝士蛋糕，啲蕨餅係黑蜜抹茶味嘅，食落去好甘甜，仲微微帶有茶香，好有風味。芝士蛋糕都係抹茶味嘅，鍾意食抹茶嘅朋友食到津津有味！第一次嚟食真係唔錯，下次應該仲會再嚟試嚇！