麻辣風雲 (已結業)

講到打卡又好味嘅川菜，《麻辣風雲》一定榜上有名 ，中式庭園風設計，食埋個氣氛，座位闊落，坐得又舒服，餐廳位置又近地鐵站，十分就腳，當我每次麻辣癮起嘅時候，好多時第一時間就諗起這間餐廳🔮荔枝蝦球浮誇又打卡，竟然諗到用盤景襯蝦球，仲要盤底放滿乾冰，上菜時煙霧瀰漫，超有意境，勁好打卡呀！而蝦球就一粒一粒吊係樹上面，好似果實咁嘅效果，真係好有創意！蝦球外面香脆，咬落十分彈牙，加埋個秘製甜酸醬就更開胃，果然好睇又好食呀🔮拔絲咕嚕肉手拉拔絲，令到整個咕嚕肉賣相和味道都更錦上添花，咕嚕肉肉質軟嫩，咕嚕汁炒得十分均勻，酸酸甜甜，很好下飯呵🔮水煮牛肉無諗過午市套餐的水煮牛都咁大份，足足夠2-3個人食呀！  仲十分足料，芽菜，木耳，豆卜，窩荀，牛肉片嘅分量都好多呀，且軟腍入味，窩底的冬粉又吸收哂麻辣湯汁，越麻越辣越開胃，勁爽呀～我地仲點咗幾個小食 ，都係我地每次來都食開的🔮麻辣魚皮 🔮椒鹽雞軟骨🔮陳醋手拍青瓜 魚皮爽脆彈牙又入味，雞軟骨滿有孜然香又香口惹味，手拍青瓜，新鮮清爽，蒜香醒胃🔮菊花蜜（埕）連飲品都打卡過人，話明係風雲又點少得酒埕呢！以酒埕做gimmick，仲要用sharky pink ，真係好I