丸·茶手作 (勝利道) (已結業)

哇。。台灣手作珍珠，每日鮮製，每日限出兩款珍珠。聽落吸引唔吸引？落單之後就準備展開漫長既等野飲時間。罰企30分鐘，等到的是兩個沖了水的茶包，玫塊及水蜜桃味的茶包，普通到不行的茶包。由於嗌左微糖，其實飲到的只有茶澀味，同埋茶澀味，仲有茶澀味。水蜜桃紅茶，可以用淡而無味來形容。老老實實，去百佳買兩盒茶包，再返屋企煲埋水沖埋飲埋都唔駛30分鐘⋯⋯40幾蚊仲沖到好多好多包添⋯⋯以正常香港人速度來說，叫你在登打士街人山人海的貢茶前面等半粒鐘就為買一杯野飲⋯⋯⋯⋯去7仔買支水算啦好嗎？外帶飲品需要既除左質量，還要有速度。最可笑是服務員經常話珍珠已賣哂。 ？__？ 再煮，okay。一定要食到咁罕有的手作珍珠？咪等囉。。但追求彈牙高質珍珠，去同區的天xx茶其實已經幫到你。而呢間野等得耐既最大原因其實唔關多唔多人幫襯事，而係準備飲品速度實在不敢恭維。點解見到長期有人排隊？因為好飲？（笑）個個客人都企係度苦等，好難唔多人囉。下次還是不要哂錢哂時間。