Gastrobox by Okapi Cafe (已結業)

見到間浪漫🌹餐廳，就入左去，雖然餐廳唔大，但坐得好舒服，侍應服務態度好好，一黎到就上左個四塊脆脆法包🥖《烤特級安格斯肉眼牛扒》 $318叫左7成熟，岩岩好，又唔會太鞋，牛扒🥩好大塊，大塊過我塊面，肉汁又香又多，個汁最正，紅酒汁帶少少酸味，同個牛扒好親。《白菌焗田螺》$78宜個係必食❗️必食❗️必食❗️焗田螺起碼有六粒，田螺好軟身，仲有少少彈牙，除左田螺，伴菜有白菌，煙肉，蒜蓉，香草，芝士，薯蓉，令味道層次更豐富，同其他餐廳既薯蓉，宜家餐廳更有心思。《香煎鵝肝沙律🥗》$168鵝肝都煎得好香，鵝肝有好多塊，開頭諗住得一塊，點知俾左咁多塊，覺得好抵食。沙律多數以火箭菜為主，面頭加左意大利黑醋。《黑松露焗龍蝦米多伴意粉》$198意粉用忌廉汁伴上，龍蝦🦞配黑松露同野菌好香，隻龍蝦仲要有龍蝦子。師傅好細心，將龍蝦鉗個肉攞出黎放係龍蝦身上，唔洗用蝦鉗將好方便咁食晒龍蝦既肉。