影片
更多
2017-12-03
48 浏览
餐廳環境浪漫神秘，一入門口右手邊係水吧同埋廚師工作嘅地方，左手邊係一列高身嘅枱櫈，同埋兩個好誘人嘅鬼妹，我地扶老攜幼，這些機會，都係坐樓上把啦。樓上既感覺又別有洞天，raw raw的水泥牆上掛滿黑膠同照片，MJ，自由神像，瑪莉蓮夢露，哲古華拉，巴黎鐵塔，同一個揸住支煙既蒙羅麗莎，配上用黑色水喉砌成既天花吊燈，盡顯型格。Ginger honey，一坐低即刻嚟番杯特飲先，揀咗杯薑蜜，薑味比坊間一般較重，啱啱好同蜜糖味瓜分天下，有薑味又有蜜糖味。Blue cheese chicken wing，本身個人好鍾意食blue cheese，所以對呢一個雞翼十分之期待，果然一啖入口，濃郁嘅藍芝士味喺口入面傾刻爆發，加埋炸到十分香脆嘅外皮，呢碟好快就俾我哋清哂。Curryflower呢個巧妙嘅食字gag，就成為咗curry同cauliflower嘅混合體，照字面解，即係咖哩椰菜花，本身對呢個椰菜花嘅期望都唔高，不過細佬呢輪話要減肥，就嗌個菜俾佢食吓，點知咖哩同椰菜花就好似功夫同足球一樣，喺你未試過之前完全想像唔到原來係咁有得諗既，個汁除咗咖哩味之外仲有點點清甜既果香，再加埋均勻散落既辣椒粉，香草同埋巴
餐廳環境浪漫神秘，一入門口右手邊係水吧同埋廚師工作嘅地方，左手邊係一列高身嘅枱櫈，同埋兩個好誘人嘅鬼妹，我地扶老攜幼，這些機會，都係坐樓上把啦。
樓上既感覺又別有洞天，raw raw的水泥牆上掛滿黑膠同照片，MJ，自由神像，瑪莉蓮夢露，哲古華拉，巴黎鐵塔，同一個揸住支煙既蒙羅麗莎，配上用黑色水喉砌成既天花吊燈，盡顯型格。
Ginger honey，一坐低即刻嚟番杯特飲先，揀咗杯薑蜜，薑味比坊間一般較重，啱啱好同蜜糖味瓜分天下，有薑味又有蜜糖味。
Blue cheese chicken wing，本身個人好鍾意食blue cheese，所以對呢一個雞翼十分之期待，果然一啖入口，濃郁嘅藍芝士味喺口入面傾刻爆發，加埋炸到十分香脆嘅外皮，呢碟好快就俾我哋清哂。
Curryflower呢個巧妙嘅食字gag，就成為咗curry同cauliflower嘅混合體，照字面解，即係咖哩椰菜花，本身對呢個椰菜花嘅期望都唔高，不過細佬呢輪話要減肥，就嗌個菜俾佢食吓，點知咖哩同椰菜花就好似功夫同足球一樣，喺你未試過之前完全想像唔到原來係咁有得諗既，個汁除咗咖哩味之外仲有點點清甜既果香，再加埋均勻散落既辣椒粉，香草同埋巴馬臣芝士，味道十分之出色，完全估佢唔到咖哩同椰菜花係可以咁夾嘅，我地食完仲忍唔住即刻嗌多一碟添。
Gambas 即係西班牙嘅經典tapas蒜片蝦，香脆嘅蒜片被炸到金黃色，同爽口彈牙嘅鮮蝦簡直係天作之合，廚師選用咗橄欖油，食多舊都唔會有罪疚嘅感覺。
Seared halibut，比目魚被香烤過後油脂四溢，外皮被烤得卜卜脆，尤其魚肉極其嫩滑；底下嘅配菜係紫薯蓉，廚師別出心裁地以芝士入饌，芝士撈埋落啲薯蓉度都係第一次試，感覺創新和諧。
张贴
