呢度既環境優雅閒靜，氣氛一流
同時可以望到香港既海境，相信如果係情侣前來，一定會更覺浪漫
朋友話一早經已落好曬order，唔洗我呢個有選擇困難既我揀食咩，叫我呢晚乖乖地等食就得
先黎既麵包經已相當有質素
麵包表面烤至香脆，而包身保持鬆軟
塗上富有松露香既軟牛油同食，份外滋味
其後既食物亦令人滿意
就好似呢碟松露意粉咁意粉表層佈滿絲絲由店員即場為我地刨下既芝士
幼身既意粉非常掛汁，每一口都充斥住松露香氣
main course 既羊柳同樣無令我失望
粉嫩既羊柳食落香軟而不過騷:)
而最令我欣賞既莫過於係呢度既甜品“Notte Tiramisu”
呢度既tiramisu係以杯裝呈上，芝士部分香濃細軟不在話下
最特別既係地方係當中伴以一粒粒既咖啡啫喱同杏仁脆脆，入面仲有綿花糖添~~
所以比平日食到既tiramisu多左重脆脆既口感，杏仁粒既杏香亦同咖啡香濃既味道十分合拍
呢杯新式改良既tiramisu實在係讓人好有驚喜，亦為當晚寫上完美既句點
