吃扒 (已結業)

今日收工同朋友嚟旺角食咗一間特色扒房, 門口係非常搶眼嘅浪漫紫色，搭配古典復古嘅裝修，非常有特色。餐牌都係以鐵板扒餐，意粉，小食，甜品等為主，仲有生酮食品選擇。🧀熱熔芝士紐西蘭牛柳熱辣辣到噴煙，職員會將熱熔芝士倒在牛柳上再淋上洋蔥汁，紐西蘭牛柳非常厚，燒得剛剛好，非常有咬口，牛肉味香濃。芝士濃厚，同牛肉非常夾，又不會搶去牛肉的本身味道。軟殼蟹牛油果蟹籽忌廉扁意粉🍝🦀軟殼蟹炸得外脆內軟，份量幾多，配上軟滑牛油果🥑，意粉比較淋，配上濃厚的忌廉醬汁，加上蟹籽好夾。香煎鵝肝鵝肝煎得外脆內軟，入口即溶，一口滿滿嘅油香，香濃無比，建議配個多士會更好食。谷咕🍫純朱古力沖制而成的飲品，可可味香濃，冇糖分比較健康。