MONMONO (已結業)

🌃MONMONO 日法藝術餐廳，高貴又神秘的星空藍作主色， 無論裝飾、餐具、畫等等，全部都係呢隻色，暫時喺香港未見其他餐廳用過呢隻顏色， 獨一無二。牆身畫作是本地插畫師 Isaac Spellman 的首個單色系列作品，價錢不算好貴，大家可以網上購買。Starter-煎澳洲帶子•蘑菇天婦羅帶子好厚身又大粒。第一次食炸蘑菇，外脆內juicy，鐘意食菇菌類的朋友一定會愛上。值得留意:網狀脆片又係藍色㗎！Homemade pasta-三色意大利雲吞鴨肉鴨肝醬上菜時，上湯會即時倒入，所以唔使驚啲餃子皮唔會浸到爛晒，又會夠曬熱辣辣。雲吞係餐廳自家製，有三隻顏色，但係個餡料味道係一樣，咬下去係好濃的鴨肉絲，比起平常的豬肉更有特色和風味～一口湯，一口餃子，非常美味。Mains-廿四小時慢煮千歲米豚腩盡顯廚師烹調功架！平時我吾會食豬腩肉因為怕肥，今日抵受不到誘惑。腩肉保留住粉紅色，肉質好冧身，配菜有長條紅蘿蔔🥕，加上牛肝菌汁，減少油膩感。Dessert-霧氣迷濛藍莓味的慕絲蛋糕🍰可愛雲朵的造型☁️ 軟綿絲滑，入口即化。今次好好彩坐到卡位，真係開心咗好耐，覺得自己好好彩！邊食邊欣賞畫作，是一次很難忘的體驗