Food Lab (已結業)

原本約左朋友一齊食飯，點知被放飛機，無辦法啦，咁就變左我地嘅二人世界，撐下枱腳浪漫下啦～呢間Food Lab外面睇環境高尚，燈光暗暗地，好有情調，適合拍拖黎。點知入到去見到佢外面原來有個小小遊樂場，除左適合情侶黎，都好適合一家大細黎呢度食飯，俾小朋友玩下，唔錯。我地叫左個超級至尊薄餅，賣相好吸引，有青椒、蘑菇、大大塊辣肉腸、洋蔥，口感豐富，但味道偏鹹。個餅底鬆厚，軟軟地好新鮮，如果底部再焗耐少少，再香脆d應該會更好食。豬最鍾意食滿滿芝士嘅pizza，呢個絕對滿足到豬對芝士嘅慾望。仲叫左個什錦海鮮意大利飯，一個圓形砌得靚靚嘅意大利飯放喺碟的嘅中間，上面放左青口，帶子同大蝦。帶子嘅味道洽到好處，唔會太硬而且可口。就算份量唔多，都好有飽肚嘅感覺。而飯粒吸滿左海鮮湯汁，香濃美味。配埋切碎嘅翠肉瓜，增加口感亦冇咁濟，好食。服務方面都唔錯，waiter成日幫我地加水，招呼週到又有禮貌