藍象泰國餐廳 (已結業)

同男友行完citysuper ..個肚都嘰哩咕嚕打曬鼓， 就邊行邊睇下食咩， 行經呢間泰國餐廳， 望入去黑蚊蚊好似幾好feel咁， 於是就決定入去 浪漫一番， 咁啱侍應帶我哋到窗邊位， 右手邊對出就係 維港個海， 好好feel好正。 食完一輪景 已經急不及待 睇menu 落嘢食菠蘿炒飯~~ 入面有好多配料，青豆粒，紅蘿蔔粒，腰果，提子乾，同埋大量肉鬆， 啖啖都充滿口感，正烤牛肉~~ 不得不讚 烤嘅程度恰到好處，半生熟， 牛肉入口即溶好香牛味， 再配埋秘製醬汁，簡直食到停唔到口泰式奶茶~~充滿泰國地道風味， 香港好少地方可以飲得到咁似泰國嘅味道一人前泰式冬陰功湯~~~ 雖然 係一人份量但係兩個人飲都啱啱好， 酸辣度適中，帶點椰香味，非常開胃，而且湯入面仲有一隻大蝦好足料芒果黑白糯米飯~~ 飯後甜品 份量非常適合， 配料多飯少，就算食到好飽都完全食得落呢個份量，而且仲有朱古力雪糕配埋，非常開胃！女人真係有第二個位haha