影片
更多
2007-12-02
23 浏览
話說一班朋友仔一行8人昨日去為朋友慶祝生日, 因為未去過,所以就一齊去睇下果到有幾浪漫,睇下係咪真係結婚註冊的好地方。正如上一篇評論一樣,佢D車真係遲到,我地六點半等左十分鐘先有車來!昨晚去到, 一d 都唔浪慢, 室外的裝飾佈景等都係超普通,光線唔夠, 攪到樣樣野都好似無哂色彩and好舊咁.....野食方面, 都係好普通, 無生蠔無燒牛肉,無貴價野食,其實哩個價錢我地都無期望有d 咩好野食,我地去佢個網,check 到自助晚餐係每位$198加1, 打電話去訂位時,亦係話$198加1, 但連d 甜品都係唔好食, 果個所謂的朱古力噴泉,只有白色綿花糖俾你點...連基本的生果都無!半自助餐係每人有一個主菜的, 個waitress lor 個牌過來, show比我地睇有d 咩簡, 一睇, 見5款主菜後面都有一個$198-$4XX的價錢, 我地問佢點計的, 佢唔清楚,走左去問上頭, 然後就話比左buffet 錢,就可以任點一款主菜, 係任點! 上面果個價錢只係分開散叫的價錢。Then,我地緊係照佢說話點自己想食的一款~ 當然d主菜都係唔多好食la, 我2位朋友點既黑豚肉真係難食到爆, 係一塊又u
昨晚去到, 一d 都唔浪慢, 室外的裝飾佈景等都係超普通,光線唔夠, 攪到樣樣野都好似無哂色彩and好舊咁.....
野食方面, 都係好普通, 無生蠔無燒牛肉,無貴價野食,其實哩個價錢我地都無期望有d 咩好野食,我地去佢個網,check 到自助晚餐係每位$198加1, 打電話去訂位時,亦係話$198加1, 但連d 甜品都係唔好食, 果個所謂的朱古力噴泉,只有白色綿花糖俾你點...連基本的生果都無!
半自助餐係每人有一個主菜的, 個waitress lor 個牌過來, show比我地睇有d 咩簡, 一睇, 見5款主菜後面都有一個$198-$4XX的價錢, 我地問佢點計的, 佢唔清楚,走左去問上頭, 然後就話比左buffet 錢,就可以任點一款主菜, 係任點! 上面果個價錢只係分開散叫的價錢。Then,我地緊係照佢說話點自己想食的一款~ 當然d主菜都係唔多好食la, 我2位朋友點既黑豚肉真係難食到爆, 係一塊又un 又厚又淡而無味的豬扒...食左2啖就叫佢收走~
雖然d 食物真係唔多好食,但我地其實至在傾下謁,都無即時表現不滿。但傾到11點埋單時, 張單係二千八蚊, 我地覺得奇怪, 問佢點計算, 原來佢地收番我地menu板上的價錢,我地話個waitress明明話任簡, 點知果個阿嬸自己講過又死口唔認錯!!話無咁講過!好明顯佢講錯野又唔想咩鑊!
同佢理論完一番之後, 佢竟然話最多比番個95折我地, so cheap!!! 5% 有鬼用呀? 依加係你既員工錯誤陳述, 令我地跟住點錯菜呀, 點解反而要客人去承擔哩個損失呀? 員工有錯,梗係公司負責啦! 你起碼都要比番個8折我地啦! 八折左我地都要每人比三百多D la!
但係果間野真係好cheap! 個manager 唔夠我地講,就搵另外一個所謂既高層黎同我地講, 態度超差, 而且好串咀! 佢話唔會讓步,最多比95折and 抄左個員工, 我地唔比錢就報警! 你要點處分你的員工唔關我事,對我地完全無好處!咁大間餐廳我唔信比唔到8折客人,而且仲係佢地的員工錯, 佢寧願得失d 客,都唔肯讓步, 真係cheap到爆, 睇佢幾時摺埋!
最後我地唔要佢任何discount, 照價埋左單, 叫佢寫番張正單來, 因為我地一定要投訴佢!佢好串咁話: 你地可以上網唱衰我地都得!
走時我地佢lor 張咭片黎, 又問個阿嬸waitress叫咩名, 但佢地竟然話唔知個waitress 叫咩名????? 佢點請人ga? 佢話個waitress 係第一日黎番工, 係臨工唔係長工!!!!!
我地勁氣憤, 好明顯個新人唔識野亂報價la! 仲話唔係佢地錯?!? 她仍然串咀咁話佢地d 員工係受過培訓先返工, 連個員工叫乜名都唔知就話有培訓佢地!講都無人信la! 佢話佢已經炒左個員工, 她明天返來出糧時就會問清楚佢叫咩名,然後打番電話比我地,又睇下點~
老實說,哩個價錢我地可以去酒店食都得la.....我記得上次去朗豪坊個酒店buffet,不知幾多野食,都係三四百一個人ja ma.....我地唔係唔想俾錢,而係俾得好唔憤氣,因為佢地d 態度實在太惡劣!有錯又唔認! 真係1蚊都唔想俾多佢呀!
實理棋掂都係比全價,我地應該報左警先比錢!睇下警察有咩意見! 蠢左tim!
哩間黑店100個唔掂! 大家千萬不要試! 睇下佢地以往既劣評都知la! 我地無講大話!
张贴