泰道 (已結業)

冬天已經離開， 春天已經來臨， 周圍都係鮮花嘅香味， 天氣暖暖地， 唔潮濕又有少少風， 好適合遊車河。 今日蝦子餅放早,我就叫佢帶我入西貢走返轉。一路開車一路傾計plan暑假去旅行,我倆都係懷念泰國嘅風情， 食物平風景亦都唔錯， 諗下諗下先生話帶我食泰國菜， 去到我簡直驚喜。地點偏遠但勝在有停車場見到呢粒星已經感覺到好浪漫， 自戀中自拍。呢度嘅打卡位都好多㗎超辣嘅大棵椰菜苗， 加左蒜頭辣椒落去炒, 惹味。主角出場：咖哩蟹配蒜蓉包同薄餅， 薄餅煎到好脆， 蒜蓉包就外脆內軟， 唔使點咖哩汁都好入味。 主角咖哩蟹， 份量十足 ，目測起碼都有斤幾。 入口落去好香咖哩味， 好快就ko咗一碟薄餅同蒜蓉包， 由於實在太多汁，所以我要跟多碗白飯。呢條側鱼裏面放咗香茅香料, 上枱已經香噴噴。打開咗之後點埋呢個泰式辣汁, 簡直一試難忘。 條魚好滑好滑, 配上秘製嘅辣汁, 大家必定要試下。今餐真係好滿足，餐廳好有情調， 好多打卡位， 食物又高質， 去泰國前都可以喺呢度輕鬆下。