My Ahjussi (已結業)

上網做咗一啲research先知呢間餐廳係社企，會聘請特殊人士工作，比佢地一個融入社會嘅機會。咁有意義當然要支持下！餐前小食一共有三款：甜薯、泡菜同埋酸白蘿蔔，另外仲有海帶湯，非常有韓式風味。蜂蜜蒜香炸雞韓式便當❤️一份有哂雞全翼、雞槌、雞胸等。雞肉炸得外脆內有肉汁，粉漿唔算好厚，而且雞肉非常入味，食得到裡面都鹹鹹地。食落juicy唔乾。個汁又濃稠又黏，完美地包裹住舊雞，感覺好似去咗韓國食炸雞咁！除咗三舊好大舊嘅炸雞之外，個飯亦都好別緻，除咗好靚嘅太陽蛋之外仲加入左青瓜絲、蘿蔔絲、粟米粒、蘑菇粒同埋特製醬汁。牛油果炸豆腐沙律🥗 炸豆腐驚外層炸漿咬落香脆又煙韌，而且帶點椒鹽香。內裡係軟綿綿嘅豆腐，新鮮沙律菜再配上清新嘅胡麻醬非常開胃！沙律菜嘅份量非常多，一個人會食唔哂！惟牛油果唔夠熟偏硬，如果唔係就perfect喇！泡菜豆腐鍋配白飯❤️豆腐軟滑而且份量多，泡菜份量都唔少，但感覺味道唔算非常香濃，亦都唔算好辣，可能同泡菜嘅品種有關？適合唔太食到辣嘅朋友！另外加咗少量蜆肉同一隻窩蛋，令到味道更加豐富。飲品方面我哋揀咗士多啤梨乳酸同埋巨峰提子🍇梳打，飲品可要求少甜，飲多幾啖都唔怕肥啦！